#有食譜 上兩個月去過倫敦，偶然下在唐人超市搵到支幾唔錯嘅花椒油，唔錯在落少少已經好香，又唔會一味得個「麻」字，所以都買咗支返香港慢慢用。坦白講，響英國買支國產花椒油返香港，呢件事係有啲搞笑，咁鬼叫在香港搵唔到咩～大家如果有咩用好嘅花椒油，不妨留言分享吓！
得到支靚嘅花椒油，又醒起早排響某間餐廳食過一味乾煸杏鮑菇絲，都幾好食，一於今次照辦煮碗整返啲類似嘅野，就變成咗呢道椒麻杏鮑菇喇！
杏鮑菇低熱量、高蛋白同埋高纖維，營養價值高，而且口感爽脆，無論用嚟打邊爐或炒餸，我都好喜歡。
要將杏鮑菇撕成絲，做法真係好簡單，將杏鮑菇蒸熟，一係放涼一係浸冰水，拎起上嚟由外層撕成一絲絲，都幾易撕，但要啲心機撕得幼啲，咁炒完食落口感更加好。
煮呢道菜重點係炒杏鮑菇時，一定要炒得夠乾身，最好炒到杏鮑菇絲有啲金黃色，咁樣就最Perfect！
立即Follow我的Instagram @mrswongskitchen
Search